اسلام آباد 09 مئي (اے پي پي) د وزيراعظم د داخله او قانوني چارو سلاحكار عطا تارړ د عمران خان د ګرفتارۍ نه پس احتجاج كوٶنكي خبردارولو سره ووئيل چې يو موټې احتجاج كوٶنكي دې د امن وضعه خرابولو نه ډډه وكړي ګني قانوني كاروائي به كولې شي، (نن) د شورو په ورځ به هم عمران خان د توشه خانه په كېس كښې عدالت ته وړاندې كېږي او هلته به پرې فرد جرم هم عائد كېږي٬ د عمران خان د ښپې پشمول بشپړه ميډيكل به كېږي٬ د مريم نواز ټرسټ ډيډ مذاق جوړوٶنكي خپل ټرسټ ډيډ د ګرفتارۍ سبب جوړ شوے دے، عمران خان ښكاره د 7 اربه زمكې 190 مليونه بلېك پاٶنډ وائټ كولو سره د پاكستان د تاريخ د لوي كرپشن مرتكب شوې۔ د نهې په ورځ پرېس كنفرنس ته خپلې وېنا كښې ده ووئيل دا د دې هېواد تر ټولو لوے د كرپشن سكېنډل دے، د وفاقي کابينې غونډې ته يو كس بنده لفافه رواړي او په ھغې د كابينې منظوري اخستې وه٬ د وخت د احتساب سلاحكار ته چا واك وركړې ٶ چې 190 مېليونه پاٶنډ غبن كړه٬ په وړومبي پړاو كښې د شكايت تصديق شوې او د دې نه پس انكوائري شوې او بيا د تفتيشن پړاٶ راغلے، په دې پړاٶ كښې د نېب لخوا د طلب كېدو نوټسز وركړې شوي٬ عمران خان او بشري بي بي ته ووئيل شول چې په تاسو تور دې چې تاسو د 190 مېليونه پاٶنډ د معاملے د كابينې نه منظوري اخستې او په ھغې كښې مو كرپشن كړېدے۔ ده ووئيل نېب ته درك ولګېدو چې د بابر اعوان او زلفي بخاري لخوا ټرسټ جوړ كړې شوې٬ عمر له ټرسټ رفاه عامه لپاره جوړېږي خو دلته د 7 اربه روپو زمكه په ډالۍ كښې ټرسټ ته وركولې كېږي٬ په دې ټرسټ ډېډ د بابر اعوان او زلفي بخاري لاسليك وي او بيا ټرسټ ډېډ بدلولو سره د عمران احمد نيازي او د بشري بي بي لاسليك شوي٬ د 458 كنال زمكه د القادر ټرسټ په نامه په رېكارډ موجود ده۔ ده ووئيل القادر ټرسټ د رفاه عامه كار كوي٬ دومره زياته زمكه په كوم مد كښې وركړې شوې او تر اوسه په رفاه عامه كښې ولې نه ده استعمال كړې شوې۔ ده ووئيل مريم نواز، حمزه شهباز، احد چيمه او نور كسان په زندان كښې اچولې شوي خو د دوي په ضد كېس نه دې ثابت شوې۔ ده ووئيل د شهزاد اکبر مداح يم څوك چې د اربونو روپۍ لوټ كولو سره بهر ناست دے۔ د يوې پوښتنې په ځواب ده ووئيل طارق بشير چيمه او فېصل واوډا د كابينې په دغه غونډه كښې اختلاف كړې او وئيلي ئې ٶ چې بنده لفافه پرانيزۍ ٬ هر څه په رېكارډ موجود دي٬ د پراپرټۍ د دې ټائيكون پشمول د عمران خان د كابينې ټولو غړو ته نوټسز جاري كړې شوې دي۔ ده ووېيل عمران خان انتقامي كاروائۍ سره مخ نه دے٬ كه انتقام اخستل وو نو ډېر مخكښې به عمران خان نيولې شوې وې٬ د نېب په قانون كښې پلي بارګېن شته٬ لوټ كړې شوې اربونه دې عمران واپس كړي نو بهر راتللے شي۔
يو موټې احتجاج كوٶنكي دي د امن وضعه خرابولو نه ډډه وكړي ګني قانوني كاروائي به كولې شي۔ د وزيراعظم د داخله چارو سلاحكار عطا تارړ
مضمون کا ماخذ : آن لائن اسکریچ کارڈز
متعلقہ مضامین
