اسلام آباد 06 جون (اے پي پي) قامي اسمبلۍ د رحمت اللعالمين او خاتم النبيينۖ اتھارټۍ بل 2022 منظور كړے ۔ د ګل په ورځ د قامي اسمبلۍ غونډه كښې د پارلماني چارو وفاقي وزير مرتضيٰ جاوېد عباسي په ذكر شوي بل د كمېټۍ رپورټ وړاندې كولو سره تر نن ورځې د تاخير نه د صرف نظر كولو تحريك منظور كړو او رپورټ ئې غونډې ته وړاندې كړو۔ ده خپل تحريك كښې غوښتنه وكړه چې د قامي رحمت اللعالمينﷺ اتھارټۍ په بل 2022 دې د كمېټۍ په رپورټ كړي صورت غور وكړے شي٬ دغسې د تحريك منظورۍ نه پس سپيكر د بل غونډې څخه شق وار منظوري واغسته ۔ په بل كښې د مسلم ليګ (ن) د قامي اسمبلۍ غړو پيرزاده سيد عمران احمد شاه ، شاهده اختر علي ، شازيه اسلم ثوبيه او انجينئر صابر حسېن قائمخاني بدلونونه وړاندې كړل د كومو چې ايوان منظوري وركړه ۔ دې نه بس وفاقي وزير مرتضيٰ جاوېد عباسي تحريك وراندې كړٶ چې قامي رحمت اللعالمينﷺ اتھارټي بل 2022 دې منظور كړے شي او دغسې قامي اسمبلۍ په يوه خله د بل منظوري وركړه۔ د يادونې ور ده د قامي رحمت اللعالمينﷺ اتھارټي بل 2022 په نامه رحمت اللعالمين او خاتم النبيينﷺ اتھارټي بل 2022 پحقله د جے يو آئي (ف) غړې شاهده اختر علي بدلون وړاندې كړو كوم چې په متفقه توګه منظور كړے شو او دغسې د بل نامه رحمت اللعالمين او خاتم النبيين ﷺاتھارټي بل 2022 شوه۔ قامي اسمبلۍ څخه د منظور شوي بل دائره كار به تر بشپړ هېواد پراخه وي او په سمدستي توګه به نافذ العمل وي٬ د دې بل له مخې د اتھارټۍ سرپرست اعليٰ به وزيراعظم وي او د دې به 6 غړي وي د كومو ټاكنه چې به وزيراعظم كوي٬ د اتھارټۍ مطلوبه مقاصد ترسره كولو لپاره به د لوړې كچې مشاورتي بورډ جوړولې شي دغسې چې ھغه د سرپرست اعليٰ مشاورت او لارښوونه وكړي٬ په مشاورتي بورډ كښې به داسې لس غړي شامل وي كوم چې به نړيوال شهرت لري او د عزت وړ وي۔ د مشاورتي بورډ د غړو تقرر به هم وزيراعظم د سرپرست اعليٰ په توګه كوي او دا بورډ به كم از كم د دريو مياشتو په بنياد يو ځل غونډه كوي٬ د اتھارټۍ د چيئرپرسن ټاكنه به هم د وزيراعظم لخوا كېږي او داسې كس به چيئرمېن جوړولے شي څوك چې د نړيوال شهرت او لياقت وړ وي او ھغه د سيرت طيبه د چارو او د ادب د تقاضو نه خبر وي٬ په ديني چارو او تحقيق تجربه لري او د ده د چوكۍ موده به تر دريو كالو وي كومه چې به د سرپرست اعليٰ د خوښې او منشا له مخې د پراختيا وړ وي٬چيئرپرسن به وزيراعظم ته استعفي وړاندې كولې شي٬ د اتھارټۍ اختيارات او د منصب کار له مخې به د قام د كردار سازۍ د لارې انصاف، د قانون حکمراني او د فلاحي رياست په بنياد د رياست مدينه تصور حقيقي كوي ، د حضرت محمدﷺ د عملي ژوند څخه به سماجي ، معاشي او سياسي اخلاقيات او اقدار رامخې ته كوي او دا به په لويه كچه د ټولنې او خلقو په ژوند كښې شاملوي، د حضرت محمدﷺ د ژوند بېلو مركزي برخو تشهير لپاره پاليسۍ٬ حكمت عملۍ او وسيلې جوړول٬ په دې كښې امن٬ همدردي، د نورو خيال ساتل ، رواداري، علم، ترقي، حکمت، صبر، قناعت، اخلاقي رويه، سماجي اثر، ماحولياتي تحفظ او د سيرت نور اړخونه شامل دي٬ د زلمي كول لارښوونې لپاره د حضرت محمدﷺ سيرت او په حديث د تحقيقي مطالعې تابيا به هم د رحمت اللعالمين او خاتم النبيين ﷺاتھارټۍ ذمه واري وي۔ د حضرت محمدﷺ په اسوه حسنه د زلمي كول د غوره شخيصيت ودې لپاره تعليمي او د زده كړې عمل ته وده وركول٬ ګردې نړۍ څخه په سيرت د نړيوال ادب او تحقيق جاج اخستل ، ھغه د رسنې وړ جوړول٬ د ترجمې وړ او د حاضر دور مطابق جوړول، سيرت النبيﷺ نسبت سره کنفرنسز، خپرونې او د اشاعت هلې ځلې منظم كولو لپاره د تعليم صوبائي څانګو سره همكاري پېدا كولو سره سره د حضرت محمدﷺ حيات طيبه او اسوه حسنه نوي كول ته تر رسولو هر ډول ممكنه اقدامات به هم د اتهارټۍ په فرائضو كښې شامل وي
قامي اسمبلۍ د رحمت اللعالمين او خاتم النبيينۖ اتھارټۍ بل 2022 منظور كړو
مضمون کا ماخذ : مصر کی میراث
متعلقہ مضامین
