اسلام آباد۔4مارچ (اے پی پی):صدر مملکت ڈاکٹر عارف علوی نال ازبکستان دے صدر شوکت مرزایوف جمعے کوں اتھاں ایوان صدر اچ ملاقات کیتی۔ ملاقات اچ ݙوطرفہ دلچسپی دے وسیع تر امور اتے اہم علاقائی اتے بین الاقوامی امور تے ڳالھ مہاڑ کیتی ڳئی صدر مملکت ݙو طرفہ تعلقات اچ بڑھوتری دی رفتار تے اطمینان دا اظہار کیتے تے سیاسی، تج??رتی، اقتصادی، دفاعی، سیکورٹی، رابطے، تعلیم اتے ثقافتی تبادلیں سودھے سارے شعبیں اچ کثیر جہتی تعاون کوں ودھارا ݙیوݨ دی خواہش دا اعادہ کیتے۔ انہاں “وژن سنٹرل ایشیا” پالیسی دے فریم ورک دے اندر وسط ایشیا دے نال رابطے ودھاوݨ کیتے پاکستان دیاں کوششاں دی وضاحت کیتی۔ صدر عارف علوی پاکستان دیاں بندرگاہواں دے ذریعے ازبکستان اتے ٻئے وسطی ایشیائی ملکاں دےنال علاقائی انضمام اتے رابطے دے امکانات کوں اجاگر کیتے۔ انہاں آکھیے جو ٹرانس افغان ریلوے ایجھا ہی ھک منصوبہ ہوسی جیں توں زمینی رابطہ مضبوط تھیسی ۔ انہاں سیاحت کوں ودھارا ݙیوݨ تے عوامی رابطے کیتے ہوائی رابطے دی اہمیت تے زور ݙتے ، ݙوہیں صدور نوجواناں دے درمیان تعاون ودھاوݨ تے ݙوہیں ملکاں دے درمیان سائنس تے ٹیکنالوجی دے شعبہ اچ رابطے کوں ودھارا ݙیوݨ تےاتفاق کیتے ۔ صدر مملکت ایں ڳالھ تے زور ݙتے جو افغانستان اچ امن و استحکام زمینی رابطے دے فیدے حاصل کرݨ کیتے ناگزیر ہے۔ انہاں آکھیے جو پرامن افغانستان خطے اتے ایندے ٻاہر دی اقتصادی ترقی تے خوشحالی اچ کردار ادا ک??یس?? ۔ صدر عارف علوی پاکستان تے ازبکستان وچال سٹریٹجک پارٹنرشپ دے اڳلے اقدامات تے مشترکہ اعلامیہ اتے ٻہوں سارے شعبیں اچ مفاہمت دی یادداشتاں/معاہدیں دی تعریف کیتی ، انہاں آکھیے جو ترجیحی تج??رتی معاہدے (PTA) تے دستخط توں ݙو پاسے تج??رت ودھاوݨ دے نویں رستے کھل ویسن ۔ ݙوہیں صدور سانجھی دلچسپی دے اہم علاقائی اتے عالمی امور تے وی ڳالھ کیتی ایں موقع تے صدر مملکت ازبک صدر کون بھارتی غیر قانونی مقبوضہ جموں و کشمیر دی صورتحال دا وی ݙسایا ۔
صدر مملکت ڈاکٹر عارف علوی نال ازبکستان دے صدر شوکت مرزایوف دی ملاقات ، ݙوطرفہ دلچسپی دے وسیع تر امور اتے اہم علاقائی اتے بین الاقوامی امور تے ڳالھ مہاڑ
مضمون کا ماخذ : کمپیوٹر لاٹری کے نمبر
متعلقہ مضامین
