لندن۔22ستمبر (اے پی پی) وزیراعظم محمد شہبازشریف جلسیں دی بجائے عوام دی معاشی حالت بہتر بݨاوݨ دی لوڑھ تے زور ݙیندے آ??ھیے انتشاری سیاست مسترد کرتے عوام معاشی پالیسیاں اچ بہتری کوں ترجیح ݙتی اے ،ڳالھیں مندے ، گولی، انتشار تے فساد نال معیشت بہتر تھیسی نہ معاشرت۔ ہر صوبہ تے ہر ادارہ عوام دے مسئلیں دے حل اچ آپݨا کردار نبھاوے ۔ اے ڳالھ انھاں ملک دی سیاسی و معاشی صورتحال تے آپݨے بیان اچ آکھی ۔ وزیراعظم آفس میڈیا ونگ توں جاری پریس ریلیز موجب وزیراعظم آکھیے انتشاری سیاست مسترد کرتے عوام معاشی پالیسیاں اچ بہتری کوں ترجیح ݙتی اے ، عوام مہانگ گھٹ تھیوݨ ، آپݨے مسئلیں دا حل تے معاشی بہتری چاہندن ، جلسیں سانڳے میدان بھرݨ دی کوشش کرݨ دی بجائے عوام دی معاشی حالت بہتر بݨاوݨ دی لوڑھ اے۔ وزیراعظم آکھیے جلسے 2028 اچ کریسوں ، حالی عوام نال کیتے ڳئے وعدےپورے کرݨ سانڳے محنت کرݨ دا ویلھا اے ،معاشی بحالی سیاسی استحکام نال جڑی اے ، سیاسی انتشار دا مطلب عوام کوں ریلیف ݙیوݨ دے عمل کوں متاثر کرݨ اے ، انھاں آکھیے جو عوام سیاسی استحکام اچ کردار ادا کرتے معاشی ترقی دی حمایت کیتی اے ،سیاسی استحکام سانڳے قوم دا اتحاد پاکستان دے روشن معاشی مستقبل اتے مہانگ توں نجات دی ضمانت ثابت تھیسی ۔ وزیراعظم آکھیے معاشی چیلنجز، دہشت گردی نال نبݨݨ سانڳے ، پوری قوم ، سیاسی جماعتاں، اداریں تے صوبیں کوں رل تے کم کرݨا ہوسی ،سیاس?? افراتفری اچ قوم تے ملک دا ٻہوں وقت ضائع تھئے ، مزید وقت ضائع کرݨ ملک وقوم دے مفاد اچ کائنی ، وفاق سارے صوبیں نال رل تے عوامی مسئلیں دے حل مہانگ گھٹاوݨ ، مساوی ترقی سانڳے چنڳے طریقے نال ساتھ ݙیوݨ دی پالیسی تے کم کریندی پئی اے ، اللہ تعالی دا شکر اے مہانگ سنگل ڈیجٹ اچ واپس آئی اے، معاشی حالات چنڳے تھیندے پئن ، برآمدات اچ ودھارا ، روپے دا مستحکم تھیوݨ ، ترسیلات زراچ ودھارا ، ش??ح سود دا گھٹ تھیوݨ، اے سارے معاشی ترقی دے واضح ثبوت ہن۔ وزیراعظم آکھیے اساں ساریں دا اصل ہدف اے ہووݨا چاہیدے جو اے آئی ایم ایف دا چھیکڑی پروگرام ہووے تے ایہا اصل کامیابی ہوسی ، انھاں آکھیے گالھیں مندے ، گولی، انتشار اتے فساد نال معیشت بہتر تھیسی نہ معاشرت، ہر صوبہ، ہر ادارہ عوام دے مسئلیں دے حل سانڳے آپݨا کردار نبھاوے
