اسلام آباد 03 دسمبر (اے پي پي) د آئي اېس پي آر ډائرېكټر جنرل مېجر جنرال بابر افتخار وئيلي دي چې نړيوالې ورورولۍ د هند د رياستي ترهګرۍ ثبوتونه په سنجيدګۍ اخستې دي٬ د پنځم اګست كال 2019 د اقدام نه پس په نړيواله كچه د هند پوزيشن كمزورې شوې دې٬ هند د فالس فلېګ آپرېشنز غوندې ډرامې كوي او د نړيوالې ورورولۍ پام اخوا كولو لپاره په اېل او سي د جنګ بندۍ خلاف ورزۍ كوي۔ د زيارت په ورځ ګلوبل وېلج سپېس سره خپلې مركه كښې ده د هند د رياستي ترهګرۍ په ضد د پاكستان د ډوزيئر اهمې نكتې رامخې ته كړې او د اېل او سي په صورتحال، سي پېك، ففتھ جنرېشن وار فيئر ئې تفصيلي خبرې وكړې۔مېجر جنرال بابر افتخار ووئيل نړۍ اوس د هند د سپانسرډ ترهګرۍ خبرې كوي، پاکستان په ترهګرۍ كښې د هند د ككړ كېدو ډوزيئر رامخې ته كړي دي۔ پاکستان د بشري حقوق په خلاف ورزو كښې د هند د ككړ كېدو ثبوب هم وړاندې كړې دي،د ډوزيئر رامخې ته كېدو نه پس نړۍ د هندي ترهګرۍ په ښكاره خبرې كوي۔ ده ووئيل خارجه دفتر ډوزيئر د سلامتي کونسل مستقل غړو ته وړاندې كړې دي او د ملګرو ملتونو عمومي سېكتر ته هم ډوزيئر وړاندې كړې شوې، د او آئي سي خارجه وزيرانو په اعلاميه كښې هم په دې خبره شوې ده۔ ده ووئيل مونږ به په نړيواله كچه د هند د رياستي ترهګرۍ معامله نوره وړاندې بيايو۔ ده ووئيل اقتصادي راهداري يو ګېم چېنجر منصوبه ده٬ دا منصوبه بشپړې منطقې سره د روابطو صلاحيت لري كومه چې نه يوازې د پاكستان بلكې د ټولې منطقې د سوكالۍ منصوبه ده۔ ده ووئيل د چين پارټنر د سي پېك منصوبې امنيتي انتظامانو نه مطمئن دي۔ ده ووئيل سي پېك ته زيان رسوٶنكې د هند هر سازش به ناكامه كوٶ او ان شاء الله سي پېك به هره ورځ د بلې نه زياته ترقي كوي۔ د آئي اېس پي آر ډائريکټر جنرل مېجر جنرال افتخار بابر ووئيل مونږ له د منطقې صورتحال نارملائز كولو ته اړتيا ده۔ د افغان امن عمل پحقله ده ووئيل مونږ افغان قيادت سره په دې مسئلې خبرې كوٶ په دې لړ كښې يو باقاعده مېكنزم موجود دې۔ ده د كرونا د صورتحال په لړ كښې د ميډيا د كردار ستائنه وكړه٬ ده ووئيل چې د كرونا صورتحال پحقله خبرتيا لپاره اېن سي او سي هم اهم كردار لوبوي۔ مېجر جنرال بابر افتخار ووئيل د كرونا په وړومبۍ چپه كښې چې كومې خامۍ رامخې ته شوې د ھغې په هنګامي بنيادنو لرې كولو لپاره اقدامات كوٶ او د دوېمې چپه تيارۍ د وړومبۍ په مقابل كښې ډېرې بهترې دي۔ ده ووئيل مونږ د كرونا وائرس د دوېمې چپې په ښه ډول مقابله كوٶ او په دې لړ كښې په فرنټ لائن هېلت وركرز ته پېرزوئنې وړاندې كوم۔ ده ووئيل د كرونا وائرس په دويمه چپه كښې مونږ ټولو له د زيات احتياط او د يو بل مرسته پكار ده۔
نړيوالې ورورولۍ د هند د رياستي ترهګرۍ ثبوتونه په سنجيدګۍ اخستې دي۔ د مېجر جنرال بابر افتخار ګلوبل وېلج سپېس سره مركه
مضمون کا ماخذ : اسکریچ کارڈز کی جیت
متعلقہ مضامین
