اسلام آباد 26 مارچ (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې تحريك عدم اعتماد راوړونكو د خلقو اخستلو هڅه كړې، ټولو غلو ته چېلنج دے چې دوي دې يو ځائ شي چې دغسې خلق د دوي د جلسو موازنه وكړې شي، انشاالله نن به د پاكستان د تاريخ تر ټولو لويه غونډه كېږي چې پكښې د 10 لكو نه زيات خلق عمران خان ته پېرزوينه وړاندې كوي كوم چې د هېواد معيشت په خپلو پښو ودرولې او هېواد ته ئې يوه ازاده خارجه پاليسي وركړې، غونډې كول د ټولو ګوندونو حق دے. ده دا خبرې د خالي په ورځ په بني ګاله كښې مېډيا سره د خبرو په مهال وكړې. په دې موقع د سندھ ګورنر عمران اسماعيل او د پي ټي آئي لارښود عامر كياني هم موجود وو. د اطلاعاتو او خپرونو وفاقي وزير ووئيل چې د لكونو په شمېر د خلقو سمندر د اسلام آباد په پلو روان دے. د ګلګت بلتستان څخه 20 كلوميټره اوږد لاريون اسلام آباد ته راځي. ده ووئيل چې د ګلګت بلتستان خلق د دې نه وړاندې په سياست كښې دومره فعاله نه وو څومره چې اوس دي. ده ووئيل چې د خېبر پښتونخوا، پنجاب، كراچې او بلوچستان پشمول ټول هېواد د تحريك انصاف په رنګونو رنګ دے. ده ووئيل چې سبا به د لس لكو نه زيات خلق وزيراعظم عمران خان سره د يووالي څرګندونه كوي. ده ووئيل چې نن به د پاكستان اولس رشوت وركوونكي رد كوي. د يوې پوښتنې په ځواب كښې وفاقي وزير ووئيل چې فېك نيوز بدمرغي ده، د شهريار آفريدي او غلام سرور خبره په مېډيا د سياق و سباق نه بغېر وړاندې كړې شوې.
تحريك عدم اعتماد راوړونكو د خلقو اخستلو هڅه كړې، ټولو غلو ته چېلنج دے چې دوي دې يو ځائ شي چې دغسې خلق د دوي د جلسو موازنه وكړې شي. د اطلاعاتو او خپرونو وفاقي وزير چوهدري فواد حسېن
مضمون کا ماخذ : ہرکیولس اور پیگاسس
متعلقہ مضامین
