اسلام آباد۔14ستمبر(اے پی پی) د پاکستان پیپلز ګوند چیئرمین بلاول بھټو زرداری وئيلي دي چې د پي ټي آئي باني خپل سياست ځلولو ٬ خپلو ذاتي مسئلو او عدالتي كيس كښې ريليف ترلاسه كولو له په هره يوه آئيني اداره بريد كړے دے ٬ تحريك انصاف ته تجويز وركوم چې هغوي دې پلټنې وكړي چې واقعي دا د خان صاحب بيان ؤ يا نه۔ د فارم 45 او 47 چې كومه پراپېګنډه روانه ده په دې اړه هم يوه لويه كيسۍ رامخې ته كېدونكې ده٬ ثبوت كه رامخې ته شي دوئي به چاته د مخ ښودلو پاتې نه شي٬ دوئي له به د آئين او قانون له مخې ځواب وركول وي۔ د خالي په ورځ په قامي اسمبلۍ كښې د خيالاتو څرګندونې په مهال بلاول بھټو زرداري ووئيل زه د پاكستان پيپلز ګوند كانديد په ټاكلو د پنجاب او رحيم يار خان د اولس مننه كوم چې هغوي تقسيم او كنځلو ته ماتې وركړې ده۔ د پاكستان پيپلز ګوند سوئيلي پنجاب تنظيم ته هم په دې كاميابۍ مباركي وركوم۔ ده ووئيل مونږ د حكومتي اتحادي ګوندونو او آزادو كانديدانو مننه هم كوؤ كومو چې د سازشي سياست ملګرتيا ونكړه۔ ده ووئيل تېره شپه په پاكستان كښې د پي ټي آئي د باني يو بيان جاري شوے دے په دغه بيان كښې دغه سړي د خپلو سياست ځلولو او خپلو ذاتي مسئلو او عدالتي كېس كښې ريليف ترلاسه كولو په هر يوه آئيني اداره بريد كړے دے۔ ده ووئيل زه تحريك انصاف ته تجويز وركوم چې هغوي دې پلټنې وكړي چې آيا دا د خان صاحب بيان دے يا نه۔ ده ووئيل يو اړخ ته د موجوده چيف جسټس په ضد توهين عدالت شوے دے او بل اړخ ته د پوځ په سرلښكر سياسي تورونه لګولې شوي دي او ددغه منصب متنازعه جوړولو هڅه شوې ده۔ ده ووئيل كه خان صاحب دا بيان وركړي وي نو بيا خو ددې د آئين او قانون لمخې نتيجې دي كومو سره به چې مخ كېدل وي۔ بلاول بھټو زرداري ووئيل چې كله جمهوريت پلو ګام پورته كولے شي نو داسې انتها خوښې موقف ولے خپلولې شي۔ په دې به حكومت او اتحادي ګوندونو سره سره اپوزيشن له هم سوچ كول وي چې كله مونږ استحكام پلو روان شؤ نو هغه څوك دي چې داسې قدم پورته كوي چې ورسره د پاكستان مسئلې سوا كيږي۔
د پي ټي آئي باني خپل سياست ځلولو ٬ خپلو ذاتي مسئلو او عدالتي كيس كښې ريليف ترلاسه كولو له په هره يوه آئيني اداره بريد كړے دے ٬ د بلاول بھټو زرداري په قامي اسمبلۍ كښې د خيالاتو څرګندونه
مضمون کا ماخذ : کمپیوٹر لاٹری کا ٹکٹ
متعلقہ مضامین
