اسلام آباد ۔ 20 مئی (اے پی پی) مشیر خارجہ سرتاج عزیز آکھیا جو پاکستان دے افغانستان اچ امن تے استحکام اچ اہم فائدے ہن ،پاکستان افغانستان اچ پائیدار امن تے استحکام گھن آونڑ سانگے ساری کوشاں جاری رکھیسی،مستحکم افغانستان دے بغیر پاکستان کوں درپیش سکیورٹی چیلنجاں نال چنگے طریقے نال نی نبڑیا ونج سگدا،طالبان حالی تئیں چار فریقی رابطہ گروپ دی کوششاں دا مثبت جواب کائنی ڈتا،کابل ولوں طالبان دے نال مصالحت اتے امن دی حمایت اچ ودھ مربوط سنھیے دی لوڑھ اے۔جمعہ کوں ریجنل پیس انسٹی ٹیوٹ دے پاروں پاک افغان ڈائیلاگ دے پنجویں مرحلے نال خطاب کریندیں ہوئیں انہاں آکھیا جو پاکستان دے افغانستان اچ امن تے استحکام اچ اہم فائدے ہن ۔انہاں آکھیا جو اساں افغانستان نال طویل المدتی تعلقات اتے پائیدار تعلقات سانگے مخلصانہ کوششاں کیتن ۔وزیر اعظم محمد نواز شریف 12مئی2015ء کوںکابل دے دورے دے موقع تے اعلان کیتا ہئی جو افغانستان دے دشمن پاکستان دے یار نی تھی سگدے۔ 9 دسمبر 2015ء کوں پاکستان ‘ہارٹ آف ایشیاء استنبول پراسس دی پنجویں وزارتی کانفرنس دی میزبانی کیتی جئیں اچ سارے رکن ملکاں علاقائی امن،استحکام ،تعاون اتے رابطیاں کوں ودھاونڑ دے عزم دا اعادہ کیتا۔انہاں آکھیا جو اساں ایں گالھ تے یقین رکھیندوں جو صرف سیاسی مذاکرات نال ای سارے مسئلے حل تھی سگدن۔انہاں آکھیا جو2015ء اچ پاکستان افغان حکومت اتے طالبان وچال براہ راست مذاکرات کروائے جڈانجو بدقسمتی نال انہاں اچ رپھڑ پئے گئیا۔انہاں آکھیا جو افغانستان ولوں پاکستان بارے منفی ریمارکس تے ڈو پاسہ رابطے متاثر تھیے۔انہاں آکھیا جو پاکستان افغانستان تعلقات اچ افغان مہاجرین دی واپسی وی ہک وڈا چیلنج اے ۔30لکھ توں ودھ افغان مہاجرین ایں ویلھے پاکستان اچ موجود ہن جیڑھا جو نہ صرف پاکستان دی معیشت دے بوجھ اے اے اساڈی قومی اتے علاقائی سکیورٹی کوں وی چیلنجز دا سامنڑاں اے۔
پاکستان دے افغانستان اچ امن تے استحکام اچ اہم فائدے ہن ،پاکستان افغانستان اچ پائیدار امن تے استحکام گھن آونڑ سانگے ساری کوشاں جاری رکھیسی،مشیر خارجہ سرتاج عزیز داپاک افغان ڈائیلاگ دے پنجویں مرحلہ نال خطاب
مضمون کا ماخذ : ماہی گیری کا جنون
متعلقہ مضامین
