اسلام آباد 11 اګست (اے پي پي) وزیراعظم محمد شهباز شریف وئيلي دي چې زمونږ اقلیتی وروڼه د پاکستانی قومیت بنیادی برخه ده ،دفاع ،تعلیم، صحت او سماجی خدمت پشمول د ژوند په ټولو څانګو كښې زمونږه غیر مسلمه وروڼو او خوياندو په زړه پوري كردار ترسره كوي،زمونږ آئین د ذات پات، نسل او رنګ فرق نه غير ټولو وګړو له سماجی، سیاسی، مذهبی او معاشی حقونو وركولو ضمانت كوي،د مذهبونو ترمينځه همغږي زمونږ د قامی شناخت ښكاره خصوصیت دې۔د جمعي په ورځ د وزیراعظم آفس میډیا ونګ د اړخه جاري شوې بيان له مخې د اقلیتونو قامي ورځ په موقع وزیراعظم شهباز شریف په خپل پیغام كښې وئيلي چې مونږ نن د اقلیتونو په قامی ورځ د پاکستان امن، پرمختګ او سوكالۍ كښې د غیر مسلمه پاکستانی وګړو کردار لمانځو،زمونږ اقلیتی وروڼه د پاكساني قومیت بنیادی برخه ده،د آزادۍ هلو ځلو نه تر اوسه پاکستانی اقلیتونو د هېواد تعمیر كښې مثبت کردار ترسره ګړې دې، دفاع وي يا تعلیم، صحت وي يا سماجی خدمت، د ژوند په ټولو څانګو كښې زمونږ غیر مسلمه وروڼو خوياندو په زړه پوري كردار ترسره كړي۔ ده ووئيل د پاکستان وړومبي قانون وزیر جوګندر ناتھ منډل نه تر ډاکټر میرا فیلبس ، ډاکټر رتھ فاؤ نه تر جسټس د راب پټیل ، زمونږ د هېواد نامتو غیر مسلمه شخصیات يو اوږد فهرست لرو د كومو اولسي خذمات چې ستائلي كېږي۔ده ووئيل د مذهبونو ترمينځه همغږي زمونږ د قامی شناخت ښكاره خصوصیت دې۔زمونږ آئین د ذات پات، نسل او رنګ فرق نه غير ټولو وګړو له سماجی، سیاسی، مذهبی او معاشی حقونو وركولو ضمانت كوي۔ وزیر اعظم ووئيل په دې خوشحاله شوې يم چې زمونږ اقلیتی ورورولي خپلواكه كول د اولسي پالیسۍ مرکز جوړ شوي او پرله پسې راتلونكي حکومتونو د دې مقصد لپاره وسائل بيل كړې دي او هغوي لا خپلواكه كولو له ئې پالیسۍ جوړي كړي۔وزیراعظم ووئيل د اقلیتونو په قامي ورځ زه د قام په تعمیر كښې د غیر مسلمه پاکستانیانو د قدر وړ خذماتو ته پيرزوئنې وړاندې كوم او د هغوي د حقونو تحفظ لپاره د حکومت د مستقل او غیر متزلزل عزم باور وركوم۔ده ووئيل د ټولني ټولو طبقو ته غږ كوم چې خپلو كښې اتحاد پیدا کړي ، د قائد اعظم نصب العین ’ ایمان، اتحاد ، نظم‘ مونږ ته په ستونزو قابو موندلو او مخ په وړندې تللو لاره ښائي۔
د پاکستان اقلیتونو د هېواد تعمیر كښې مثبت کردار ترسره كړې۔وزیراعظم شهباز شریف د اقلیتونو قامی ورځ په موقع پیغام
مضمون کا ماخذ : لاٹری کے انعامات
متعلقہ مضامین
