وزیر اعظم شہباز شریف تے سعودی ولی عہد شہزادہ محمد بن سلمان بن عبدالعزیزدی ملاقات

Prime Minister Shehbaz Sharif meeting with Saudi Crown Prince Mohammed Bin Salman in Jeddah on 30th April, 2022.

جدہ ۔30اپریل (اے پی پی) ‏وزیر اعظم شہباز شریف اتے سعودی ولی عہد شہزادہ محمد بن سلمان بن عبدالعزیز دی جمعے دی رات اتھاں ملاقات تھئی جیں اچ پاکستان اتے سعودی عرب دے تعلقات اتے سانجھی دلچسپی دے امور تے ڳالھ مہاڑ کیتی ڳئی اے ۔وزیراعظم آفس دے میڈیا ونگ توں جاری بیان موجب سعودی ولی عہد شہزادہ محمد بن سلمان وزیراعظم شہباز شریف دے استقبال کیتے خود ٻہر آئے ، ایں موقع تے وزیراعظم شہباز شریف دے اعزاز اچ گارڈ آف آنر ݙتا ڳیا ۔ سعودی مسلح افواج دے دستے وزیراعظم کوں سلامی ݙتی، بعد اچ سعودی ولی عہد سعودی وفد نال وزیراعظم دا تعارف کرایا جݙاں جو وزیراعظم انہاں کوں آپݨی کابینہ دے ارکان نال ملوایا ، بعد اچ ݙوہیں رہنماواں وچال ملاقات تھئی جیں اچ ݙوہیں ملکاں دے وفد شریک تھئے ۔ سعودی عرب دے ولی عہد شہزادہ محمد بن سلمان بن عبدالعزیز دی دعوت تے وزیراعظم محمد شہبازشریف سعودی عرب دے ترائے ݙینھ دے اعلی سطحی سرکاری دورے تے ہن ۔