اسلام آباد۔31اگست(اے پی پی) پاکستان اچ وفاقی جمہوری جمہوریہ ایتھوپیا دے خصوصی ایلچی اتے سفیر ڈاکٹر جیمال بیکر اسلام آباد نیشنل پارک، ٹریل 5 اچ مارگلہ پہاڑیاں کوں کچرے توں پاک کرݨ سانڳے صفائی مہم دی قیادت کیتی جیں توں جنگلی حیات کوں ٻہوں خطرہ اے ۔ ترجمان دفتر خارجہ توں جاری اعلامیہ موجب ایتھوپیا دے سفارتخانہ ، گھوم لے اتے اسٹوڈیو ون دے اہتمام نال سانجھے طور تے ایں مہم دا آغاز ایتھوپیا دے وزیر اعظم ڈاکٹر ابی احمد د?? گرین لیگیسی انیشیٹو دے تحت ایتھو پاکستان برادری دے حصے دے طور تے کیتا ڳئے ۔ صفائی مہم اچ حکومتی عہدیداراں، سفارتی برادری، سول سوسائٹی، نینگر تے میڈیا سودھے زندگی دے سارے شعبیں توں تعلق رکھݨ آلے لوکاں شرکت کیتی جیں دا مقصد ݙوہیں ملکاں دے بہ??ر مستقبل سانڳے مشترکہ کوششاں اڳوں ودھیندے ہوئیں ایتھو پاکستان برادرانہ تعلقات کوں ودھارا ݙیوݨ ہئی ۔ ایں موقع تے میڈیا نال ڳالھ کریندے ڈاکٹر جیمال بیکر آکھیے اڄ دے اجتماع دا مقصد اے سنھیا ݙیوݨ ہئی جو انسانی اتے مالی وسائل دا وݙے پیمانے تے متحرک ہووݨ ع??ری اتے نویں عام چیلنجاں جیویں جو موسمیاتی تبدیلی دے مسئلیں نال نبݨݨ دا ھک حل اے ۔ انھاں آکھیے ایتھوپیا گزریل ہنج سالاں اچ پھل، سبزیاں اتے گھا دے 40.5 بلین توں ودھ ٻوٹے رہا تے ھک ساوی معیشت بݨیندا پئے جیں توں ایتھوپیا اچ روزگار دے موقع بݨئن تے خوراک دی حفاظت یقینی بݨائی ڳئی اے۔ گرین لیگیسی انیشیٹو دے تحت ریکارڈ بھن ݙیوݨ آلی شجرکاری دا شروع کیتی ڳئی اے جیڑھی میڈیمر فلسفے توں متاثر ساݙے وزیر اعظم دے اقدامات کوں ظاہر کریندے ، اے اقدامات وسائل کون وݙے پیمانے تے متحرک کرݨ تے انھاں دی صف بندی دی وکالت کریندن ۔ اساں پاکستان اچ ایں گرین لیگیسی انیشی ایٹو دا آغاز کیتے کیوں جو میں ذاتی طور تے پاکستان دے سارے شہراں اچ ڳیاں تے معاشرے دے سارے طبقیں کوں ماحولیاتی تبدیلیاں دے سنگین خطرے کوں گھٹ کرݨ سانڳے متحرک کیتے۔ انھاں نینگراں تے زور ݙتے جو او ایہو جیہے اہم اقدامات سانڳے ساریں توں اڳوں رہن ۔ انھاں اسلام آباد وائلڈ لائف مینجمنٹ بورڈ، گھوم لے اتے اسٹوڈیو ون دا شکریہ ادا کیتے جو انھاں اسلام آباد اچ ایتھوپیا دے سفارت خانے نال ایجھے انسانیت دوست تے مہربان اقدام تے شراکت داری کیتی۔ایتھوپیا دے سفیر ݙوہیں ملکاں وچال معیشت، تعلیم، صحت، موسمیاتی تبدیلی، ثقافت اتے ٹیکنالوجی دی منتقلی جیہے مختلف شعبیں اچ ݙو پاسے علاقائی اتے کثیرالجہتی تعاون ودھاوݨ سانڳے ایتھوپیا نال کم کرݨ سانڳے حکومت پاکستان دے عزم دی وی تعریف کیتی ۔گھوم لے (پرائیویٹ) لمیٹڈ دے چیف ایگزیکٹو افسر محمد حارث ٹریل 5 مارگلہ ہلز دی صفائی سانڳے آپݨی تنظیم اتے ٻئیں نال سانجھ کرݨ تے ایتھوپیا دے سفارت خانے دا اظہا?? تشکر کیتا۔انہاں وفاقی دارالحکومت اسلام آباد تے ٻئے شہراں اچ ماحولیات دے تحفظ سانڳے ضروری اقدامات چاوݨ دا عزم کیتا
