پاکستان سائنس تے ٹیکنالوجی، صنعت ، حرفت اتے اقتصادی ترقی دے نویں دور اچ قدم رکھ چکیا ہے
اسلام آباد ۔ 14 نومبر (اے پی پی) صدر مملکت ممنون حسین آکھیا ہے جو پاکستان سائنس و ٹیکنالوجی، صنعت و حرفت تے اقتصادی ترقی دے نویں دور اچ قدم رکھ چکیا ہے ، نویں دور دے تقاضیں دی تکمیل سانگے سائنسدان اتے محقق اپنڑی بھرپور توانائیاں صرف کرن، خلائی تحقیق دا شعبہ ایں سلسلے اچ بہوں اہم ہے ۔انہاں اے گالھ منگل کوں انسٹی ٹیوٹ آف سپیس ٹیکنالوجی (آئی ایس ٹی) اچ پنجویںبین الاقوامی ایرو سپیس سائنس و ٹیکنالوجی کانفرنس دی افتتاحی تقریب توں خطاب کریندے ہوئیں آکھی ۔ ایں موقع تے کانفرنس دے چیئرمین اتے آئی ایس ٹی دے وائس چانسلر انجینئر عمران رحمن اتے آئی ایس ٹی دے ڈین ڈاکٹر اقبال مسعود وی خیالاں دا اظہار کیتا ۔ صدر مملکت آکھیا جو اساڈے تعلیمی اتے تحقیقی اداریں بے مثال کارکردگی دا مظاہرہ کیتاہے لیکن ہنڑ بہوں کم کرنڑ اں باقی ہے ۔ انہاں آکھیا جوگزریل 2 عشریں دے دوران خلائی تحقیق دے شعبے اچ ریکارڈ ترقی آگی ہے ہنڑ دنیا دے کجھ خاص ترقی یافتہ ملکاں اچ کائنی بلکہ اساڈے کجھ ہمسایہ ملک وی ایں میدان اچ بہوں اگی تے نل گے ہن ۔انہاں آکھیا جوپاکستانی سائنس داناں تے محققین اپنڑے بل بوتے تے شاندارکارنامہ میسر انجام ڈتے ہن ۔
صدر مملکت ممنون حسین دا بین الاقوامی ایرو سپیس سائنس و ٹیکنالوجی کانفرنس دی افتتاحی تقریب توں خطاب
مضمون کا ماخذ : قدیم مصری کلاسک
متعلقہ مضامین
