لاہور۔7 فروری(اے پی پی )لاہور ہائی کورٹ دے نویں نامزد چیف جسٹس مسٹر جسٹس یاور علی لاہور ہائیکورٹ دے 46ویں چیف جسٹس دے طور تے عہدے دا حلف چا گھدا ۔جسٹس یاور علی اٹھ مہینے تے پندرہ ڈینھ چیف جسٹس دے منصب تے فائز رہسن۔چیف جسٹس لاہور ہائیکورٹ دی حلف برداری دی تقریب گورنر ہاوس لاہوراچ تھی ، گورنر پنجاب رفیق رجوانہ چیف جسٹس توں انہاں دے عہدے دا حلف گھدا۔حلف برداری دی تقریب اچ لاہورہائیکورٹ دے ججاں ، وزیر اعلی محمد شہباز شریف ، چیف سیکر ٹری پنجاب سمیت بئے افسراں شرکت کیتی ، جسٹس یاور علی انیس فروری 2010 کو ںبطور ایڈیشنل جج لاہور ہائیکورٹ تعینات تھے ہن تے ہک سال بعد انھاں کوں عہدے تے کنفرم کیتا گیا، جسٹس یاور علی 23 اکتوبر 1956 کو ں جمے ، انھاں ابتدائی تعلیم لاہور اچ حاصل کیتی تے 1972 اچ ایچی سن کالج لاہور توں او لیول اتے 1974 اچ اتھوں ہی اے لیول کیتا 1976 اچ انھاں پنجاب یونیورسٹی توں گریجویشن کیتی تے 1979 اچ یو کے توں ایل ایل بی آنرز کر گھدا تے 1980 اچ یو کے توں ہی بیرسٹر ایٹ لاءدی ڈگری حاصل کیتی، اعلی تعلیم حاصل کرنڑ دے بعد او وطن واپس آئے تاں ہوں سال ماتحت عدالتاں اچ وکالت دی پریکٹس دا آغاز کیتا، 1980 اچ ہی انہاں دی لاہور ہائیکورٹ دے وکیل دے طور تے انرولمنٹ تھی تے ولا 1986 اچ سپریم کورٹ اچ وکالت دا لائسنس حاصل کر گھدا، پریکٹس دے شروع اچ ہی او پنجاب یونیورسٹی لا کالج دے وزٹنگ لیکچرار وی رہیے ،ایندے علاوہ جسٹس یاور علی واپڈا، پی آئی اے، پاکستان ریلوے، نیشنل بنک اتے مسلم کمرشل بنک دے وکیل دے طور تے عوامی مفاد دے بہوں اہم مقدمے لڑیے ، ایں طرح جسٹس یاور وفاقی اتے صوبائی حکومت دے لاءافیسر وی تعینات رہیے، جسٹس یاور علی اٹھ مہینے تے پندرہ ڈینھ چیف جسٹس دے عہدے تے فائز رہنڑ دے بعد 62 سال دی عمر اچ 22 اکتوبر 2018 کو ںریٹائر ڈ تھی ویسن۔
مسٹر جسٹس یاور علی لاہور ہائیکورٹ دے 46 ویں چیف جسٹس دے طور تے عہدے دا حلف چا گھدا
مضمون کا ماخذ : گولڈ رش
متعلقہ مضامین
