اسلام آباد ۔ 15 فروری (اے پی پی) پاکستان امریکا ولوں پاکستان کوں واچ لسٹ اچ پاونڑ دی تجویز تے تشویش دا اظہار کریندے ہوئیں آکھیے جوپاکستان دہشتگردان دے خلاف بغیر وانجھ دے کارروائی کریندا پئے،پاکستان کوں واچ لسٹ اچ رلاونڑ دی کوشش اقتصادی اصلاحات روکنڑ دے مترادف ہوسی، جیکر بھارت جارحیت دی غلطی کیتی تاں اپنڑی ملکی خود مختاری اتے علاقائی سالمیت سانگے منہ بھن جواب ڈیسوں۔ دفتر خارجہ اچ ہفتہ وار برینگ ڈیندے ہوئیں ڈاکٹر محمد فیصل دا آکھنڑ ہا جو مقبوضہ کشمیر اچ سنجوان کیمپ تے حملہ بارے بھارتی الزامات بھونڈے اتے بے بنیاد ہین، اینجھے غیر ذمہ دارانہ بیان اتے الزامات پاکستان کوں بدنام کرنڑ دی ناکام کوشش ہین۔ ترجمان آکھیے جو عالمی برادری پاکستان دے خلاف بھارتی مہم جوئی اتے جانڑ بجھ تے جنگ مسلط کرنڑ دیان دھمکیاں دا نوٹس گھنے،بھارت اینجھے ہتھکنڈے مقبوضہ کشمیر اچ اپنڑے مظالم لکاونر کیتے کریندے تاں جو عالمی برادری دی توجہ وٹائی ونج سگے۔فنانشل ایکشن ٹاسک فورس (ایف اے ٹی ایف) اتے پاکستان دی واچ لسٹ اچ شمولیت بارے ترجمان دا آکھنڑ ہا جو سٹیٹ بنک اتے پارلیمنٹ منی لانڈرنگ، مشتبہ ٹرانزیکشنز روکنڑ کیتے اقدامات کیتن۔ انہاں آکھیے جو پاکستان کوں واچ لسٹ اچ پاونڑ دی کوئی وی کوشش ملک اچ اقتصادی ترقی کیتے معاشی اصلاحات روکنڑی دے مترادف ہوسی۔نقیب اللہ قتل کیس بارے افغان صدر اشرف غنی دے ریمارکس بارے ترجمان آکھیے جو افغان صدر کیس کوں کہیں بئے قمصد کیتے استعمال کرنڑچاہندن، ایکوں سیاسی رنگ ڈیونڑ دی اجازت نئیں ڈتی ونج سگدی۔ترجمان آکھیے جو پاکستان افغان حکومت اتے طالبان دے مذاکرات چاہندے،پاکستان اچ کوئی دہشتگرد گروپ کائنی، اساں کلہے اینجھا ملک ہیں جیہرا دہشتگردی دے خلاف جنگ جیتدا پئے اتے ساڈیاں افواج پاکستان دہشتگردان دے خلاف بغیر وانجھ دے کارروائی کریندا پئے۔
پاکستان کوں واچ لسٹ اچ رلاونڑ دی کوشش اقتصادی اصلاحات روکنڑ دے مترادف ہوسی،ترجمان دفتر خارجہ
مضمون کا ماخذ : سٹاربرسٹ
متعلقہ مضامین
