اسلام آباد ۔27 جولائی (اے پی پی)نگران وزیراعظم جسٹس (ر) ناصر الملک دی صدارت اچ جمعہ کوں وفاقی کابینہ دا اجلاس وزیراعظم آفس اچ تھیا۔ وزیراعظم آفس ولوں جاری بیان مطابق کابینہ پاکستان ٹیلی کمیونیکیشن اتھارٹی (پی ٹی اے) اچ ڈائریکٹر جنرل انفورسمنٹ یاور یٰسین کوں ممبر ٹیکنیکل اتے ڈائریکٹر جنرل لاءچوہدری علی اصغر کوں ترائے مہیناں سانگے ممبر کمپلائنس اینڈ انفورسمنٹ دے طور تے اضافی چارج ڈیونڑ دی منظوری ڈتی۔ کابینہ ڈسٹرکٹ اینڈ سیشن جج محمد ظریف بلوچ دی بطور جج خصوصی کورٹ (کورٹ آف نارکوٹک سبسیٹائزڈ کوئٹہ) دے طور تے تقرری دی وی منظوری ڈتی۔ کابینہ چیئرمین 8ویں ویج بورڈ دی تقرری دے قواعد و ضوابط دی وی منظوری ڈتی۔ کابینہ اجلاس اچ کیس نمبر 05/2017 FOA SBC/Karachi دے ٹرائل دی اینٹی ٹیررازم کورٹ کراچی II توں اینٹی ٹیررازم کورٹ اسلام آباد منتقلی دی منظوری وی ڈتی۔ اجلاس اچ فنانس ڈویژن کو ںکے ٹو، کے تھری منصوبیں سانگے مقامی قرضے سانگے لیٹر آف گارنٹی جاری کرنڑ دا اختیار وی ڈتا گئے ۔ کابینہ چارٹرڈ اکاﺅنٹس بائی لاز 1983ءدے بائی لاز 106 اتے 124 اچ ترامیم دی وی منظوری ڈتی۔
نگران وزیراعظم جسٹس (ر) ناصر الملک دی صدارت اچ وفاقی کابینہ دا اجلاس
مضمون کا ماخذ : را کی کتاب
متعلقہ مضامین
