اسلام آباد۔23 جون(اے پی پی) د دفاع وفاقي وزير خواجه آصف وئيلي دي چې په هېواد كښې د اقليتونو په ضد مخ په زياتېدونكې پېښې ټول قام لپاره د شرم وړ دي٬ په دې هېواد كښې ژوند كوؤنكي ټولو مذهبونو سره تعلق لرونكي يوازې پاكستاني وګړي دي، پاك پوځ د ترهګرۍ په ضد قربانۍ وركوي ٬ د اېپکس کمېټۍ سفارشات به ايوان او كابينې ته وړاندې كړې شي۔ د اتوار په ورځ په قامي اسمبلۍ كښې د خيالاتو څرګندونې په مهال ده ووئيل د اقليتونو په معامله دې دا مهال په ايوان كښې اتفاق رايې رامخې ته كړې شي ولې چې دا كومه سياسي يا متنازع مسئله نه ده٬ د پاكستان بدنامي كيږي او مخالفه ډله جدي نه ده٬ مونږ ته كنځلې كيږي ٬ دا د شرم وړ خبره ده۔ دا يوه داسې معاملې ده په كومه چې بايد ټول قام شرم محسوس كړي٬ مونږ له په دې اړه يو قرارداد وړاندے كول وي٬ زمونږ آئين اقليتونو ته بشپړه تحفظ وركوي۔ ده ووئيل سوات ٬ فيصل آباد او سرګودها كښې رامخې ته شوې پېښې مونږ فكرمند كوي٬ په دې چې كله په ايوان كښې خبره كيږي نو اپوزيشن نعرې پورته كولو سره په دې اړه د پورته كېدونكي غږ غلې كولو هڅه كوي٬ دوئي د قامي نه بلكې د ذاتي ګټو تحفظ كوي۔ ده ووئيل آئين د دې اجازه نه وركوي چې د مذهب نامه كارولو سره دې بې ګناه كسان ووژلې شي۔ ده ووئيل د ايوان فرض دے چې يو موټې كېدو سره يو دريځ خپل كړي دغسې چې قامي اسمبلۍ څخه دا پېغام لاړ شي چې په دې معامله د هېواد پارليمنټ متحد دے٬ پارليمان د خپلو اقليتي ورونړو تحفظ كول غواړي۔ ده ووئيل د آرمي پبلك سكول پېښې څخه وروستو اېپکس كمېټي جوړه كړې شوه ٬ په دې كښې د پي ټي آئي نمائندګي هم وه او پي ټي آئي په دې كښې ګډون هم كوي۔ ده ووئيل مونږ دا معامله كابينې ته وړؤ او كه پاك پروردګار ته منظور وي ايوان ته به هم دا معامله راوړؤ۔ په ايوان كښی د سني اتحاد كونسل احتجاج كوؤنكو غړي مخاطب كولو سره وفاقي وزير ووئيل دا خلق خپل اصليت په ډاګه كوي٬ دوئي د كنځلو او تشدد سياست كول غواړي۔ ده ووئيل په پرونۍ غونډه كښې د خېبر پښتونخوا اعلی وزير موجود وو د هغه په وړاندې دا پړېكړه وشوه چې د ترهګرۍ په ضد به اقدامات كولې شي٬ نن دوئي د پاك پوځ د شهيدانو په ضد احتجاج كوي۔ پاك پوځ د ترهګرۍ په ضد قربانۍ وركوي دا احتجاج د هغوي په ضد دے۔ ده ووئيل پي ټي آئي نن هم د 9 مئي په دريځ ولاړه ده ٬ سبا به هم دغسې وي٬ د دوئي دريځ نه بدل شوے نه دے۔ ده وئيل زه په دې ايوان كښې بشپړه باور سره دا خبره كوم چې په دوئي كښې هغه كسان هم موجود دي كومو چې مونږ څخه ټكټ غوښتلے وو۔
په دې هيواد كښې ژوند كوؤنكي ټولو مذهبونو سره تعلق لرونكي يوازې پاكستاني وګړي دي٬ د دفاع وفاقي وزير خواجه آصف
مضمون کا ماخذ : apostas lotomania
متعلقہ مضامین
